A small collapsible and portable stool with a red fabric seating area and three prongs that set up like a tripod.
o kama lukin e supa monsi. ona li lili mute a li tawa ni: sina tawa lon ma li wile e supa lon tenpo lili taso. ‘supa’ li kiwen ala, li len. nasin li ni: sina wile ala kepeken supa la o pini e ona. ona li pini la palisa kiwen tu wan li lon li sama palisa suli wan. kiwen sike li wan e palisa kiwen tu wan lon insa. len loje li wan e palisa kiwen lon sewi. sina wile kepeken supa la o open e supa. ni la palisa kiwen tu wan li kama wan ala lon sewi lon anpa. lon anpa la, palisa kiwen tu wan li ken awen pona lon ma. lon sewi la, palisa kiwen tu wan li supa e len loje.
tenpo pini la mi jo e supa ante pi nasin sama, taso kule ona li laso. mi weka e ona lon ma pi sona mi ala. ni la mi wile esun e ona sin. mi lukin e ona lon tomo esun pi mani lili. mi esun e ona kepeken mani tu tu.
ike la mi kepeken ala supa ni lon tenpo mute. mi tawa lon ma la ona li pona, taso mi ni lon tenpo mute ala. tenpo mute la mi awen lon insa pi tomo mi. a, mi lukin e supa ni la mi toki insa e ni tawa mi: mi o tawa lon ma!
Come look at the butt surface. It is oh so very small and for this: You are moving outside and need a surface for just a little time. The ‘surface’ is not hard, and is cloth. This is the way: When you do not want to use the surface, close it. When it is closed, three hard sticks exist and are like one big stick. A hard circle unites the three hard sticks in the middle. Red cloth unites the hard sticks at the top. When you want to use the surface, open the surface. With this, three hard sticks stop uniting at the top and the bottom. At the bottom, the three sticks can stay well on the earth. At the top, the three sticks can make the red fabric a surface.
In the past I had another surface of the same system, but its colour was blue. I left it somewhere I don’t know. With this, I needed to buy a new one. I saw it at a small-money store. I bought it for four monies.
Unfortunately I do not use the surface at many times. When I move outside it is good, but I do this at not many times. Many times, I stay at the inside of my house. Oh, When I see this surface I internally communicate this to myself: I should do movement outside!
o kama lukin e supa monsi
ona li lili mute a li tawa ni>
sina tawa lon ma li wile e supa lon tenpo lili taso
supa li kiwen ala li len
nasin li ni
zz sina wile ala kepeken supa la o pini e ona
ona li pini la palisa kiwen tu wan li lon li sama palisa suli wan
kiwen sike li wan e palisa kiwen tu wan lon insa
len loje li wan e palisa kiwen lon sewi
sina wile kepeken supa la o open e supa
ni la palisa kiwen tu wan li kama wan ala lon sewi lon anpa
lon anpa la palisa kiwen tu wan li ken awen pona lon ma
lon sewi la palisa kiwen tu wan li supa e len loje
tenpo pini la mi jo e supa ante pi nasin sama
taso kule ona li laso
mi weka e ona lon ma pi sona mi ala
ni^ la mi wile esun e ona sin
mi lukin e ona lon tomo esun pi mani lili
mi esun e ona kepeken mani tu tu
ike la mi kepeken ala supa ni lon tenpo mute
mi tawa lon ma la ona li pona
zz taso mi ni lon tenpo mute ala
tenpo mute la mi awen lon insa pi tomo mi
a mi lukin e supa ni la mi toki insa e ni tawa mi
mi o tawa lon ma a
| toki pona | English | sitelen pona |
|---|